2014/03/23

Thunderbird gehigarriak: hainbat gehigarri interesgarri

Hona hemen Mozilla etxeko posta-bezeroaren zenbait gehigarri edo hedapen interesgarri:

Kontaktuak Gmail-ekin sinkronizatzeko gehigarriak, bide batez Thunderbird ekipo batzuetan baduzu elkarren artean sinkronizatzeko ere balio du. Egun martxan dagoen bakarra GContactSync da.

Egutegi-agenda eta bera hainbat ekipotan sinkronizatzeko proposamena: lehenik eta behin egutegia bera:

Lightning du izena eta hainbat egutegi eduki dezakezu lokalean zein sarean eta sarean partekatuta dauden egutegiak zurearekin batera ikusi. Hilabete, aste zein egun ikuspegiak ditu.

Instalatzeko Tresnak > Gehigarriak > Eskuratu gehigarriak  edo
1- Deskargatu eta gorde.
2- Thunderbird-en menuan egin Tresnak > Gehigarriak
3- Bilatzeko leihatilaren ezkerrean dagoen gurpil hortzdunaren ondoko gezitxoan klika eta aukera ezazu "Instalatu gehigarria fitxategitik" eta esaiozu non dagoen deskargatu duzun fitxategia.

Egutegi hori edozein tokitan erabili ahal izateko modu bat Google Calendar-ekin sinkronizatzea da. Hartara ohiko ekipoan Thunderbird bidez ikusi eta editatu ahal izango duzu eta ohikoak ez direnetan G-Calendarren bidez. Gainera Thunderbird hainbat ekipotan baduzu haien artean sinkroniza daitezke G-Calendarren bidez. Horretarako Google Calendar Hornitzailea  (Provider for Google Calendar) gehigarria erabiliko dugu hemen deskribatzen den eran.

EDS Calendar Integration sinkronizatzeko Lightningeko gertaerak Gnome-Calendar egutegiarekin.

Identity Chooser mezuak idaztean egiten den ohiko errore bat konpontzen du. Thunderbird erabiltzearen arrazoi nagusietako bat hainbat kontu gestionatzea da. Mezuak idaztean sarritan behar ez genuen kontutik bidaltzen dugu mezua. Hori gerta ez dadin gehigarri honek mezua idazteko klikatzen dugunean behartzen gaitu bidaliko duen kontua hautatzen.
Instalatzeko Tresnak > Gehigarriak > Eskuratu gehigarriak eta Identity Chooser bilatu; bestela hemendik deskargatu eta instalatu.


Hautapen hau bukatzeko gogoratu Thunderbird-en behar beste zuzentzaile ortografiko instala daitezkela. Aplikazioa instalatzean euskara eta ingelesa zuzentzaileak instalatzen dira baina gehigarri moduan bestelako hizkuntzak instala daitezke mezu honetan azaldu nuen  moduan.

S3 Google Translator gehigarriak aukera ematen dizu erdarazko mezuak euskarara edo beste erdarara itzultzeko.



Elkarte edo enpresa batean lan egiten baduzu eta zure mezu gehienak BCC moduan bidali behar baduzu, alegia kopia ezkutu moduan Blend Carbon Copy agian interesatuko zaizu modu hori lehenesteko aukera ematen duen gehigarria: Use Bcc Instead.
Instalatu ondoren ezarpenetan lehenetsi behar da BCC modua:


iruzkinik ez:

Argitaratu iruzkina